नवलपुर, भदौ १६ । नेपाल–चीनबीचको प्रमुख व्यापारिक नाका तातोपानी नाका पनि बन्द भएको छ । पहिरोको जोखिम बढेको भन्दै चीनले अर्को सूचना नभएसम्मका लागि नाका बन्द गरेको हो । 

यात्रु आवतजावत खुला रहे पनि लिपिङ क्षेत्र स्थिर नभएसम्म आयात–निर्यात पुनः सञ्चालन हुने सम्भावना कम रहेको छ । रसुवागढी नाका पनि बाढीले क्षतिग्रस्त भएपछि अब कोरला नाका मात्रै वैकल्पिक व्यापारिक मार्ग बनेको छ । 

गएको बुधबार भोटेकोशी नदीमा आएको भीषण बाढीले रसुवा र नुवाकोटका विभिन्न बस्ती बगाउनुअघि नेपाली व्यवसायीले तातोपानी, टिमुरे ९रसुवागढी० र कोरला नाकाबाट चीनसँग व्यापार गर्दै आएका थिए । नेपालतर्फ लिपिङ क्षेत्रमा पहिरोको जोखिम बढेको भन्दै चीनले हिजोदेखि व्यापारिक प्रयोजनका लागि तातोपानी नाका बन्द गरेको हो । 

तातोपानी नाका साउनको शुरुदेखि करिब तीन हप्तासम्म पूर्ण रूपमा बन्द थियो । साउन तेस्रो हप्तादेखि सीमित रूपमा यातायात सञ्चालनमा आएको करिब १० दिनपछि रसुवामा गएको बुधबार आएको भीषण बाढीपछि चिनियाँ पक्षले फेरि अर्को सूचना नभएसम्म तातोपानी नाका बन्द गरेको हो । 

तातोपानी भन्सार नाका लामो समयदेखि बन्द हुँदा सीमाका दुवैतर्फका व्यवसायी प्रभावित बनेका छन् । रसुवागढीको टिमुरे बजारसमेत बाढीले बगाएपछि नेपाल–चीन व्यापारमा थप समस्या सिर्जना भएको छ । 

दशैँ नजिकिँदै गर्दा व्यवसायी सम्भावित वस्तु अभावलाई लिएर थप चिन्तित बनेका छन् । 

तातोपानी नाका पनि बन्द

नवलपुर, भदौ १६ । नेपाल–चीनबीचको प्रमुख व्यापारिक नाका तातोपानी नाका पनि बन्द भएको छ । पहिरोको जोखिम बढेको भन्दै चीनले अर्को सूचना नभएसम्मका लागि

बाढी प्रभावित क्षेत्रमा वैकल्पिक सडक सञ्चालन

नवलपुर, भदौ १६ । भोटेकोशी बाढीले क्षति पुर्‍याएका रसुवा, नुवाकोट र धादिङका मुख्य सडकको मर्मतसँगै वैकल्पिक सडक सञ्चालनको काम हुन थालेको छ । पहिलो

भोटेकोशी बाढीको सातौँ दिन खोज, उद्धार र राहत वितरणको काम चल्दै

नवलपुर, भदौ १६ । रसुवाको भोटेकोशी बाढीको सातौँ दिन आज पनि खोज, उद्धार र राहत वितरणको काम भइरहेको छ ।  रसुवा र नुवाकोटको जलविद्युत् परियोजनाको सुरुङमा