नवलपुर,असोज २ । अमेरिकाले इरानका राष्ट्रपति मसुद पेजेस्कियन र विदेशमन्त्री अब्बास अराघ्चीलाई संयुक्त राष्ट्रसंघको महासभामा सहभागी हुन भिसा दिने भएको छ ।

अमेरिका र इरानबीच युद्ध शुरु भएको सातौँ महिना प्रवेश गर्न लागेका बेला अमेरिकाले इरानी अधिकारीलाई महासभामा सहभागी हुन अनुमति दिएको बीबीसीले जनाएको छ । तर, इरानी प्रतिनिधिमण्डलमाथि अमेरिकामा आवतजावतसम्बन्धी प्रतिबन्ध भने कायम रहनेछ । उनीहरूलाई विलासी तथा अन्य अमेरिकी सामान खरिद गर्न पनि रोक लगाइने अमेरिकी विदेश मन्त्रालयले जनाएको छ ।

गएको वर्ष पनि इरानी कूटनीतिज्ञमाथि अमेरिकामा विभिन्न खरिद प्रतिबन्ध लगाइएको थियो । अमेरिका र इरानबीचको युद्धका कारण विश्वव्यापी ऊर्जा बजारमा समेत असर परेको छ भने द्वन्द्व छिमेकी देशमा समेत फैलिएको छ । युद्ध अन्त्यका लागि अमेरिकी राष्ट्रपति डोनाल्ड ट्रम्पमाथि घरेलु तथा अन्तर्राष्ट्रिय दबाब बढिरहेको छ ।

राष्ट्रसंघको ८१औँ महासभाको उच्चस्तरीय छलफल आउँदो मंगलवारदेखि शुरु हुँदैछ । अमेरिकी राष्ट्रपति डोनाल्ड ट्रम्प, बेलायतका प्रधानमन्त्री एन्डी बर्नहम र फ्रान्सका राष्ट्रपति इमानुएल म्याक्रोँलगायत नेताले सम्बोधन गर्ने कार्यक्रम छ ।

आउँदो बुधवार युक्रेन, सिरिया र इरानका नेताले सम्बोधन गर्ने अपेक्षा गरिएको छ । अमेरिकाले प्यालेस्टिनी राष्ट्रपति महमुद अब्बास र प्यालेस्टिनी प्रतिनिधिमण्डललाई भने महासभामा सहभागी हुन भिसा नदिएको बीबीसीले जनाएको छ । 

स्वीडेनका प्रधानमन्त्री क्रिस्टर्सनद्वारा राजीनामा दिने घोषणा

नवलपुर,असोज २ । स्वीडेनका प्रधानमन्त्री उल्फ क्रिस्टर्सनले राजीनामा दिने घोषणा गर्नुभएको छ । संसदीय निर्वाचनमा वामपन्थी तथा मध्य–वामपन्थी

अमेरिकामा तीन वर्षपछि पहिलोपटक ब्याजदर वृद्धि

नवलपुर,असोज १ । अमेरिकी केन्द्रीय बैंक फेडरल रिजर्भले तीन वर्षभन्दा बढी समयपछि पहिलोपटक ब्याजदर बढाएको छ । फेडरल रिजर्भले ब्याजदर शून्य दशमलव २५

व्यापार प्रणाली कमजोर भए विश्वको जीडीपी १० प्रतिशतसम्म घट्ने डब्लूटीओको चेतावनी

नवलपुर,भदौ ३१ । विश्व व्यापार सङ्गठन (डब्लूटीओ)ले विश्वव्यापी व्यापार प्रणालीलाई आधुनिकीकरण गर्न नसके बलियो बहुपक्षीय प्रणालीको तुलनामा सन् २०५०