नवलपुर,भदौ ८ । राष्ट्रिय स्वतन्त्र पार्टी ९रास्वपा०का सभापति रवि लामिछानेले पुराना राजनीतिक दलहरुसँग ३५ वर्षको हिसाब माग्दै नहिँड्न पार्टीका नेता तथा कार्यकर्तालाई निर्देशन दिनुभएको छ ।

हिजो काठमाण्डौमा भएको ‘नीति, संगठन र नेतृत्व’ कार्यशालालाई सम्बोधन गर्दै उहाँले यस्तो निर्देशन दिनुभएको हो । विगतमा अरु नेता र दललाई दोष दिएर आफूलाई अग्लो देखाउने अवस्था भए पनि अब त्यस्तो ठाउँ रास्वपासँग नरहेको उहाँको भनाइ थियो ।

उहाँले विगतको असफलता र कमजोरीलाई लिएर निरन्तर आलोचना गरिरहनुभन्दा आउँदो पुस्ता र देशको भविष्यका लागि दीर्घकालीन योजना निर्माणमा केन्द्रित हुनुपर्नेमा जोड दिनुभयो ।

३५ वर्षमा पुराना राजनीतिक दलहरुले गरेका सकारात्मक कामहरुप्रति धन्यवाद दिनुपर्ने उहाँले बताउनुभयो । सभापति लामिछानेले सरकार मात्र बलियो नभई प्रतिपक्ष पनि बलियो रहेको र अब राजनीतिक संस्कृति देखाउन नेताहरूलाई आग्रह गर्नुभयो ।

प्रतिपक्षले देशमा लोकतन्त्र स्थापनाका लागि ठूलो त्याग गरेको तर सुशासन ल्याउन नसकेकाले रास्वपाले सरकारको नेतृत्व गर्ने अवसर पाएको उहाँको भनाइ थियो ।  

सरकारलाई चुनावका क्रममा उठाएका मुद्दा, नागरिकका आशा पूरा गर्नका लागि पार्टीले अझ बढी जिम्मेवार बनाउँदै लगेको पनि उहाँको भनाइ छ । लामिछानेले सरकार गठनको १०० दिन पूरा भएदेखि प्रधानमन्त्रीसँग निरन्तर छलफलमा रहेको पनि बताउनुभयो ।

उहाँले पार्टीका केन्द्रीय सदस्यहरूलाई नागरिकका पक्षमा रहेर सरकारलाई खबरदारी गर्न पनि आह्वान गर्नुभयो । उहाँले सरकारले काम गर्दैं जाँदा विवाद र प्रशंसा हुने पनि बताउनुभयो ।  

आज पहाडी क्षेत्रका एक/दुई ठाउँमा ठूलो वर्षाको सम्भावना

नवलपुर,भदौ ९ । आज कोशी, बागमती, गण्डकी र लुम्बिनी प्रदेशको पहाडी क्षेत्रका एक/दुई ठाउँमा ठूलो पानी पर्न सक्ने सम्भावना छ । त्यस्तै मधेस र कोशी प्रदेशको

भृकुटीमण्डपमा आजदेखि नाडा अटो शो

नवलपुर,भदौ ९ । काठमाण्डौको भृकुटीमण्डपमा आजदेखि नाडा अटो शो–२०२६ शुरु हुँदैछ । १८औँ संस्करणको नाडा अटो शोमा यसपटक अटोमोबाइल क्षेत्रमा भित्रिएका

बहुप्रतिक्षित राहुघाट जलविद्युत् आयोजना निर्माण सम्पन्न  

नवलपुर,भदौ ८ ।  म्याग्दीको बहुप्रतिक्षित राहुघाट जलविद्युत् आयोजना निर्माण सम्पन्न भएको छ । नेपाल सरकारको स्वामित्वमा रहेको नेपाल विद्युत्