पानीको ऐना र मनको शान्ति !!

शान्त नीलो पानी, जस्तै एउटा विशाल ऐना,
जहाँ आकाशले आफ्नै रूप हेरिरहेछ।
तरंगहरू हल्कासँग ठोक्किन्छन्,
अनि किनारका स–साना ढुंगाहरूसँग विस्तारै कुरा गर्छन्।
एउटा एकान्त, तर अद्भुत आनन्ददायी शान्ति।

त्यहाँ एउटा डुङ्गामा बिस्तारै तैरिरहेको एक यात्री,
खुट्टा पसारेर, जीवनको लय समात्दै छ।
हातमा प्याडल छ, जसले पानीलाई हल्कासँग धकेल्छ,
हरेक हल्का प्रहारसँगै एउटा नयाँ तरङ्ग बन्छ।
कालो चस्माभित्रबाट हेरिएका आँखाहरू,
सायद क्षितिजको अनन्ततामा हराएका छन्,
जहाँ सपना भन्दा धेरै यथार्थ भेटिन्छन्।

पछाडि किनारमा, हरियो रूखहरूको विशाल पर्खाल छ,
जसका हाँगाहरू हावाको तालमा बिस्तारै नाच्छन्।
त्यो घना जङ्गलले एउटा सुरक्षाको घेरा बनाएको जस्तो लाग्छ,
कतै कतै लुकेका स–साना घरहरू,
मानव र प्रकृतिको सुन्दर सहअस्तित्वको कथा बनेका छन ।

शितल हावाको एउटा झोक्का चल्छ,
र जिउका हरेक रौँहरूलाई छुन्छ साथै यो चन्चल मनलाई शान्त बनाउँछ।
यहाँ सहरको कोलाहल छैन,
छैन कुनै दौडधुप।
केवल यो शान्त पानी, यो ताजा हावा,
यो हरियो वन, अनि तिम्रो उपस्थितिको अनुभूति।
यो एउटा यस्तो पल हो, जहाँ समय रोकिएको जस्तो लाग्छ,
अनि जीवनले आफैंलाई पुनर्परिभाषित गर्छ।

प्रकृति, तिमी कति अद्भुत छौ,
हामी तिम्रा साना अङ्ग मात्र हौं,
तर तिम्रो अंगालोमा आइपुग्दा,
हामी नै सबैभन्दा ठूलो भएको महसुस गर्छौं।

यो डुङ्गामा बिताएको यो समय,
मलाई थाहा छ, मेरो मनमा सधैँभरी अङ्कित रहनेछ,
एक मीठो सम्झना, एउटा शान्त पलको प्रतीक बनेर।हर पल, हर क्षण एउटा प्रतिविम्बित ऐना बनेर!!

डा.रुपक कंडेल
कावासोती नगरपालिका,नवलपुर 

सामाजिक सञ्जाल स्वस्थ बहसको चौतारी कि अफवाहको फोहोरदानी ?

नवलपुर,माघ १६ । केही दिनयता सामाजिक सञ्जालमा प्रधानन्यायाधीश प्रकाशमान सिंह राउतले अदालत जलेको प्रसङ्गमा दिएको अभिव्यक्तिमा बालेन्द्र शाहको नाम

ददि सापकोटाको छैटौं पुस्तक ‘ज्ञानिका’को लोकार्पण

नवलपुर,कात्तिक २३ । पत्रकार एव्म लेखक ददि सापकोटाको सिर्जना कर्मनायकका सपना, सङ्घर्ष र संरक्षणका कथासम्बन्धी विषयवस्तु समेटिएको ‘ज्ञानिका’ कृति

बा’को काँध !!!!!

नवलपुर,भदौं १७ । म सानो छँदा, बाले काँधमा राख्नुहुन्थ्यो बा भन्दा पनि ऑफु उच्चो लाग्थ्यो, अरु भन्दा त ऑफु भीमकाय लाग्थ्यो , शक्ति मैसँग छ, तागत मेरै