शेयर बजार सामान्य बढ्यो, ४ अर्ब ४० करोडको कारोबार

बुधबार श्रावण २०८३, २०

नवलपुर,साउन २० । लगातार २ दिन घटेको शेयर बजार आज सामान्य बढेको छ । शेयर बजार परिसूचक नेप्से ४।७९ अङ्कले बढेर २ हजार ६६७।९७ विन्दुमा पुगेको छ ।

आज होटल तथा पर्यटन, जलविद्युत्, उत्पादन तथा प्रशोधन, अन्य र व्यापार बाहेक सबै समूहको उपसूचक घटेको छ ।

आज १२२ वटा कम्पनीको शेयर बढेकोमा १४३ वटाको घटेको छ । यस्तै ११ वटा कम्पनीको शेयर भने घटबढ भएको छैन ।

आज सोलु हाइड्रोपावरको शेयर १५ प्रतिशतले बढेको छ । बजार सामान्य उकालो लागेको दिन एभरेस्ट कलरको शेयर ९ प्रतिशतले घटेको छ ।

आज नेप्सेसँगै कारोबार रकम पनि बढेको छ । हिजो ४ अर्ब ७ करोडको कारोबार भएकोमा आज ३५० वटा कम्पनीको १ करोड ६७ हजार कित्ता शेयर ४ अर्ब ४० करोड रुपैयाँमा किनबेच भएको छ ।