नवलपुर,कात्तिक १५ । इरानले हर्मुज जलमार्ग एकदिन फेरि खोल्ने सम्भावना रहेको जनाएको छ ।

इरानका विदेशमन्त्री अब्बास अराघचीका अनुसार कतारका मध्यस्थकर्तामार्फत यस विषयमा वार्ता भइरहेको छ ।

तर, हर्मुज जलमार्ग खोल्ने योजना अमेरिकाले तेहरानका सर्तहरू स्वीकार गरेमा मात्र कार्यान्वयन हुने उहाँको भनाइ छ ।

यसैबीच, इरानका सुरक्षा प्रमुख मोहसेन रेजाईले अमेरिकी उपराष्ट्रपति जेडी भान्सले पठाएको पत्र आफूले समीक्षा गरेको बताउनु भएको छ । पत्रमा अमेरिकाको शैली केही परिवर्तन भएको र यसलाई इरानले सकारात्मक रूपमा लिएको अलजजीराले जनाएको छ ।

अमेरिकी विदेशमन्त्री मार्को रुबियोले पनि राष्ट्रपति डोनाल्ड ट्रम्पले इरानमाथि थप सैन्य आक्रमण गर्नेबारे कुनै निर्णय नगरेको बताउनुभएको छ । रुबियोका अनुसार ट्रम्प सैन्य विकल्पभन्दा कूटनीतिक माध्यमबाट समस्या समाधान गर्न प्राथमिकता दिइरहनुभएको छ ।

यद्यपि, इरानका सर्वोच्च नेता मोज्तबा खामेनीले अमेरिकी तथा इजरायली सम्भावित खतराको जवाफ दिन आफ्ना सैन्य कमान्डरहरूलाई निर्देशन दिएका खबरमा उल्लेख छ । एकातिर अमेरिका र इरानबीच कूटनीतिक संवादको संकेत देखिएको छ भने अर्कोतर्फ सैन्य सतर्कता र तनाव कायमै छ ।

जलमार्ग खोल्ने विषयमा हुने आउँदो वार्ताले मध्यपूर्वको सुरक्षा अवस्था र विश्वव्यापी ऊर्जा आपूर्तिमा महत्वपूर्ण प्रभाव पार्नेछ ।

उत्तर कोरियालीहरूलाई रुसमा जबरजस्ती श्रममा लगाउन भर्ना गरिँदै : प्रतिवेदन

नवलपुर,कात्तिक १३ । रुसी दलाल सञ्जालले विद्यार्थी भिसाको प्रयोग गरी उत्तर कोरियाली कामदारहरूलाई जबरजस्ती श्रममा लगाउन भर्ना गरिरहेको प्रतिवेदन

भारतको आन्ध्र प्रदेशमा चक्रवात अर्नबको जोखिम : उद्धारकार्य तीव्र

नवलपुर,कात्तिक ११ । भारतको आन्ध्र प्रदेशमा आज शक्तिशाली चक्रवात अर्नबले तटीय क्षेत्रमा प्रहार गर्ने पूर्वानुमानपछि अधिकारीहरूले जोखिमयुक्त

भेनेजुएलाका नोबेल शान्ति पुरस्कार विजेता माचाडोको स्वदेश फिर्ता

नवलपुर,कात्तिक १० । भेनेजुएलाकी विपक्षी नेतृ तथा नोबेल शान्ति पुरस्कार विजेता मारिया कोरिना माचाडोले निर्वासनबाट आश्चर्यजनक रूपमा स्वदेश फर्केपछि