नवलपुर,असोज ३१। नेपालले आगामी संयुक्त राष्ट्रसङ्घीय जलवायु परिवर्तनसम्बन्धी ३१औँ सम्मेलन (कोप–३१) मा हिमनदी पग्लिने र समुद्री सतह बढ्ने मुद्दालाई एउटै पर्यावरणीय प्रणालीसँग जोडेर सशक्त रूपमा उठाउने भएको छ ।

आउँदो कात्तिक २३ देखि मङ्सिर ४ गतेसम्म टर्किएको अन्टाल्यामा आयोजना हुने सम्मेलनमा नेपालले हिमाली देश र टापु राष्ट्रहरू जलवायु सङ्कटको समान जोखिममा रहेको विषयलाई अन्तर्राष्ट्रिय मञ्चमा स्थापित गर्ने तयारी गरेको हो ।

प्रशान्त क्षेत्रमा अस्ट्रेलिया, टुभालु र फिजीद्वारा आयोजित ‘प्रि–कोप’ बैठकमा सहभागी भएर फर्किनुभएका परराष्ट्रमन्त्री शिशिर खनालले नेपालसँगको कुराकानीमा जलवायु वार्तामा हिमनदी र हिउँ पग्लिने विषयलाई समेत आधिकारिक रूपमा समेट्न नेपाल सफल भएको बताउनुभएको छ ।

उहाँका अनुसार जलवायु परिवर्तनसम्बन्धी अन्तर्राष्ट्रिय छलफलमा समुद्री सतह वृद्धिका कारण टापु राष्ट्रहरूले प्राथमिकता पाउँदै आएपनि हिमाली मुलुकहरू पनि जलवायु सङ्कटको अग्रपङ्क्तिमा रहेको तथ्य स्थापित गर्न नेपालले पहल गरेको छ ।

मन्त्री खनालले हिमनदी पग्लिनु र समुद्री सतह बढ्नु एकअर्कासँग जोडिएका विषय भएकाले जलवायु सङ्कटलाई छुट्टाछुट्टै नभई बृहत् पर्यावरणीय प्रणालीका रूपमा बुझ्नुपर्ने नेपालको अडान रहेको बताउनुभयो । हिमाल संरक्षणले टापु राष्ट्रहरूको अस्तित्व रक्षामा समेत योगदान पुर्‍याउने उहाँको भनाइ छ ।

यसै रणनीतिअनुसार नेपालले कोप–३१ का प्रमुख सरोकारवाला देशहरूसँग उच्चस्तरीय संवादसमेत अघि बढाएको छ । सम्मेलनको आयोजक टर्किए भए पनि वार्ताको अध्यक्षता अस्ट्रेलियाले गर्ने भएकाले नेपालले अस्ट्रेलियासँगको कूटनीतिक संवादलाई प्राथमिकता दिएको छ ।

कोप–३१ को तयारीलाई अन्तिम रूप दिन आउँदो कात्तिक १२ गते काठमाण्डौमा विषयगत मन्त्रालय, विकास साझेदार, नागरिक समाज र निजी क्षेत्रको सहभागितामा राष्ट्रिय सम्मेलन आयोजना गरिने भएको छ ।

निर्वाचन आयोगद्वारा मतदाता नामावली अद्यावधिक

नवलपुर,असोज ३१। निर्वाचन आयोगले मतदाता नामावली अद्यावधिक गरेको छ । अद्यावधिक विवरणअनुसार गएको  प्रतिनिधिसभा चुनावपछि एक लाख ८७ हजार ६८६ जना नयाँ

शुक्र अस्त भएका कारण दशैँका कर्म रोकिँदैन : पञ्चाङ्ग निर्णायक विकास समिति

नवलपुर, असोज ३१ । नेपाल पञ्चाङ्ग निर्णायक विकास समितिले यसवर्ष शुक्र अस्त भएकै कारण दशैँ मनाउन हुँदैन भनी गरिएको प्रचार शास्त्रसम्मत नरहेको जनाएको छ

चाडबाडमा अनलाइन ठगीबाट बच्न ओटीपी र पासवर्ड गोप्य राख्न राष्ट्र बैंकको आग्रह

नवलपुर, असोज ३१ । दशैँ, तिहार लगायत चाडपर्वका बेला अनलाइन ठगी हुन सक्ने भएकाले सावधानी अपनाउन नेपाल राष्ट्र बैंकले आग्रह गरेको छ । राष्ट्र बैंकको