साउन २५ गते शाश्वत धाममा विद्यालय स्तरीय शिव ताण्डव प्रतियोगिता हुँदै

सोमबार श्रावण २०८३, १८

नवलपुर,साउन १८ । साउनको अन्तिम सोमबार अर्थात् साउन २५ गते नवलपुरको देवचुली नगरपालिकामा रहेको शाश्वधाम परिसरमा विद्यालय स्तरीय शिव ताण्डव प्रतियोगिता हुने भएको छ । धर्म, कला र संस्कृतिको प्रवर्धन र युवा प्रतिभालाई प्रोत्साहन गर्ने उद्देश्यले शिव ताण्डव नृत्य प्रतियोगिताको आयोजना गरिएको शाश्वत धामले जनाएको छ।

प्रतियोगिता साउन २५ गते बिहान १० बजे धाम परिसरमा आयोजना गरिएको तथा प्रतियोगितामा सहभागी हुन जिल्लाका विद्यालयहरूलाई पत्रचार गरिएको बताइएको छ । शिव ताण्डव नृत्य प्रतियोगितामा सहभागी विद्यार्थीहरूले ५ मिनेटसम्मको नृत्य गर्न सक्नेछन्।

प्रतियोगितामा सहभागी हुन श्रावण २० गतेसम्म नाम दर्ता गराइसक्नुपर्ने आयोजकले जनाएको छ। नाम दर्ताका लागि ९८४१३१२५४६ मा सम्पर्क गर्न सकिनेछ। प्रतियोगितामा प्रथम, द्वितीय र तृतीय हुनेलाई पुरस्कृत गरिनेछ भने सहभागी सबैलाई प्रमाणपत्रको व्यवस्था गरिएको आयोजक शाश्वतधामले जानकारी दिएको छ।