नवलपुर,साउन १८ । अविरल वर्षा र बाढीपहिरोका कारण केही सडकखण्ड अवरुद्ध भएका छन् । पहिरो खसेपछि काठमाण्डौ–हेटौंडा जोड्ने कान्ति लोकपथ र मध्यपहाडी लोकमार्गको तेह्रथुम खण्ड आज बिहानदेखि बन्द भएका छन् ।

मनाङको नासो गाउँपालिका धारापानीमा हिजोको पहिरोले चामे–बेँसीसहर सडक खण्ड अवरुद्ध छ । म्याग्दीको रघुगङ्गामा पर्ने बैसेरी र लमजुङको बेँसीसहरमा पर्ने खर्खरे भिरमा आज बिहानको पहिरोले बेनी–जोमसोम र बेँसीसहर–मनाङ सडक खण्ड पूर्ण रूपमा बन्द भएका छन् ।

सिन्धुपाल्चोकको भोटेकोशी गाउँपालिकामा पर्ने चारकिलो र कोदारीमा पहिरोले यही महिनाको १ गतेदेखि अरनिको राजमार्ग पूर्ण रूपमा बन्द छ ।

बीपी राजमार्ग अन्तर्गत काभ्रेको खुर्कोट–नेपालथोक–कटुञ्जेबेँसी सडकखण्डमा जेठ २२ गतेदेखि बेलुकी ६ बजेदेखि बिहान ४ बजेसम्म गाडी चलाउन रोक लगाइएको छ । अवस्था हेरेर दिनको समयमा मात्र गाडी चलाउन दिइएको छ ।

यस्तै मकवानपुरको कान्ति लोकपथ अन्तर्गत हेटौँडा–ठिङ्गन–बागमती–ललितपुर खण्डमा पनि असार २९ गतेदेखि बेलुकी ५ बजेदेखि बिहान ५ बजेसम्म गाडी चलाउन रोक लगाइएको छ ।

दोलखा तामाकोशीको किर्नेटारमा साउन ७ गते बाढीले लामोसाँघु–रामेछाप राजमार्ग पूर्ण रूपमा अवरुद्ध गरेपछि खिम्ती ग्रामीण विद्युत् सहकारी संस्थाको कार्यालयको परिसरबाट वैकल्पिक बाटो खुलाइएको प्रहरीले जनाएको छ ।

रसुवा उत्तरगयाको खाल्टेमा साउन ८ गतेको बाढीले त्रिशूली–मैलुङ–स्याफ्रुबेँसी सडक खण्ड पूर्ण रूपमा बन्द छ । इलामको राजदुवालीमा वैशाख २३ गतेदेखि मेची राजमार्ग पूर्ण रूपमा अवरुद्ध भए पनि अर्को वैकल्पिक बाटोको प्रयोग भइरहेको छ ।

गोरखाको धार्चेमा पर्ने अण्डर डाँडामा अस्ति १६ गते गएको पहिरोले लार्के–बेनीघाट कच्ची सडक पूर्ण रूपमा बन्द छ ।

यस्तै रुकुम पश्चिमको आठबीसकोटमा पर्ने रिजेगार्ड खोलामा साउन ६ गतेको बाढीले भेरी करिडोरको जाजरकोट–डोल्पा सडक खण्ड पूर्ण रूपमा अवरुद्ध भएको छ ।

हिजो ज्यान गुमाएका मेहताका आफन्त र गृहमन्त्रीबिच छलफल

नवलपुर,साउन २० । सुनसरीको देवानगञ्ज गाउँपालिका–३, कप्तानगञ्जमा भएको घटनामा घाइते भएर उपचारका क्रममा हिजो बिहान ज्यान गुमाएका रवीन्द्रकुमार

‘हेलो सरकार’मा एक वर्षमा ३२१ प्रतिशतले बढे गुनासा

नवलपुर,साउन २० । नागरिकको गुनासो सुन्ने र सम्बोधन गर्ने ‘हेलो सरकार’मा गुनासाको चाङ लागेको छ । विभिन्न बहुच्यानल फोन, वेबसाइट, फेसबुक, ह्वाट्सएप,

अनसनरत नर्स अभियन्ता रानाभाट र सरकारबीच १९ बुँदे सहमति

नवलपुर,साउन २० । एक हप्तादेखि अनसनरत नर्स अभियन्ता ज्योति रानाभाट र सरकारी वार्ता टोलीबीच १९ बुँदे सहमति भएको छ । सहमतिसँगै गएको बिहीबार १४ गतेदेखि