पोखरामा एक अमेरिकी पर्यटकको मृत्यु

सोमबार श्रावण २०८३, ११

नवलपुर, साउन ११ । कास्कीको पोखरा महानगरपालिका वडा नम्बर १८, सेदीमा सोमबार बेहोस बन्नुभएका एक अमेरिकी पर्यटकको मृत्यु भएको छ । ४८ वर्षीय मेथ्यु एलेक्स जोन्सको मेट्रो सिटी अस्पतालमा उपचारका क्रममा मृत्यु भएको हो ।

सोमबार बिहान ११ बजेतिर हिड्दा हिड्दै बेहोस भनी लड्नुभएका जोन्सलाई स्थानीय ईन्द्र थापाले उद्धार गरी अस्पताल पठाउनुभएको थियो । साढे ११ बजेतिर उपचारका लागि अस्पताल ल्याईएकोमा साढे १२ बजे चिकित्सकले मृत घोषणा गरेको जिल्ला प्रहरी कार्यालय कास्कीका प्रवक्ता वीरेन्द्रकुमार पासवानले जानकारी दिनुभयो ।

जोन्स गएको एक महिनादेखि सेदीका एक स्थानीयको घरमा बस्दै आउनुभएको थियो । जोन्सको शव पश्चिम क्षेत्रीय अस्पतालमा राखिएको छ । प्रहरी प्रवक्ता पासवान भन्नुहुन्छ, “अब हामी दुतावासमार्फत् उहाँका आफन्तलाई सम्पर्क गर्छौं, उहाँहरुसँग सम्पर्कपछि पोस्टमार्टम होला, बल्ल मृत्युका कारण खुल्छ ।