नवलपुर,असोज १८ ।  युएईका अनुसन्धानकर्ताहरूले इजरायल जाँदै गरेको फ्लाई दुबईको विमानका सह–चालकले ‘आतङ्कवादी कार्य’ गर्ने योजना बनाएको दाबी गरेका छन् ।

गएको बुधबार सह–चालकले ककपिटभित्र क्याप्टेनमाथि आपतकालीन बञ्चरोले आक्रमण गरी विमान नियन्त्रणमा लिन खोजेको प्रारम्भिक अनुसन्धानबाट खुलेको युएईको सरकारी समाचार संस्था वामलाई उद्धृत गर्दै एएफपीले जनाएको छ ।

आक्रमणपछि घाइते क्याप्टेनले ककपिटको ढोका खोल्न सफल भएका थिए । त्यसपछि यात्रु र चालक दलका अन्य सदस्यले सह–चालकलाई नियन्त्रणमा लिएका थिए । विमानलाई साउदी अरबमा आपतकालीन अवतरण गरिएको थियो ।

विमानमा चालक दल सहित १७४ यात्रु सवार थिए । आक्रमणका क्रममा विमानले झण्डै एक मिनेटमै १७ हजार फिट उचाइ गुमाएको फ्लाइटराडर–२४ को तथ्याङ्कले देखाएको छ ।

युएईका महान्यायाधिवक्ता हमद सैफ अल शाम्सीका अनुसार सह–चालकले विमानको नियन्त्रण लिएर ‘आतङ्कवादी कार्य’ गर्ने प्रयास गरेको देखिएको छ । तर, उनले वास्तवमा के उद्देश्यले विमान नियन्त्रणमा लिन खोजेका थिए भन्ने विषय भने अझै स्पष्ट भइसकेको छैन ।

युएईले सह–चालकको राष्ट्रियता औपचारिक रूपमा सार्वजनिक गरेको छैन । तर, साउदी स्रोतलाई उद्धृत गर्दै एएफपीले उनी ओमानी नागरिक भएको जनाएको छ । मिडिया रिपोर्टअनुसार उनलाई ओमानमा चरमपन्थी विचारधारासँग सम्बन्धित आशङ्काका कारण उडान गर्न प्रतिबन्ध लगाइएको थियो ।

इजरायली प्रधानमन्त्री बेन्जामिन नेतन्याहूले सह–चालकलाई इस्लामी चरमपन्थी विचारबाट प्रभावित व्यक्ति भएको आशङ्का गर्नुभएको छ । उहाँले प्रतिबन्धित व्यक्तिलाई इजरायल जाने विमानमा सह–चालकका रूपमा काम गर्न कसरी अनुमति दिइयो भन्ने विषयमा अनुसन्धान हुने बताउनुभएको छ ।

सह–चालकलाई अहिले युएईमा हिरासतमा राखेर विस्तृत अनुसन्धान भइरहेको खबरमा उल्लेख छ । 

कांग्रेस महाधिवेशन : रास्वपा सभापति लामिछानेसहित शीर्ष नेता सहभागी

नवलपुर,असोज १८ । नेपाली कांग्रेसको १५औँ महाधिवेशन काठमाण्डाैकाे खुलामञ्चमा शुरू भएको छ । सभापति गगन थापाले पार्टीका संस्थापकसहितका अग्रज

कांग्रेस केन्द्रीय सदस्यमा गाउँपालिका राष्ट्रिय महासंघकी अध्यक्ष पाण्डेले दिँदै उम्मेदवारी

नवलपुर,असोज १८ । गाउँपालिका राष्ट्रिय महासंघ नेपालकी केन्द्रीय अध्यक्ष लक्ष्मीदेवी पाण्डे नेपाली कांग्रेसको केन्द्रीय सदस्य पदका लागि

विपन्नलाई घर बनाउन ७५ हजार रुपैयाँ अनुदान दिने गरी कानुन बन्दै

नवलपुर,असोज १८ । अतिविपन्न परिवारले सुरक्षित घर बनाउँदा न्यूनतम ७५ हजार रुपैयाँ सरकारी अनुदान पाउने गरी कानुन बनाइँदै छ । पूर्वाधार विकास