विपद्को जोखिमलाई मध्यनजर गर्दै नवलपुरका स्थानीय तहमा असोज ९ गते बिदा

बिहीबार असोज २०८३, ८

नवलपुर, असोज ८ । विपद्को जोखिमलाई मध्यनजर गर्दै नवलपुरका पाँच स्थानीय तहले असोज ९ गते शुक्रबार एक दिन विद्यालय तथा शैक्षिक संस्था बन्द गर्ने निर्णय गरेका छन्।

विनयी त्रिवेणी गाउँपालिका, देवचुली नगरपालिका, गैँडाकोट नगरपालिका, मध्यविन्दु नगरपालिका र हुप्सेकोट गाउँपालिकाले आफ्ना क्षेत्रभित्रका सम्पूर्ण विद्यालय तथा शैक्षिक संस्थामा एक दिन बिदा दिने निर्णय गरेका हुन्।

पालिकास्तरीय विपद् व्यवस्थापन समितिको २०८३/०६/०८ गते बसेको बैठकको निर्णयअनुसार शैक्षिक पात्रोमा व्यवस्था गरिएको आपतकालीन बिदाबाट मिलान हुने गरी असोज ९ गते विद्यालय तथा शैक्षिक संस्थामा बिदा दिने निर्णय गरिएको सम्बन्धित स्थानीय तहहरूले जनाएका छन्।

सम्बन्धित स्थानीय तहहरूले विद्यालय तथा शैक्षिक संस्थालाई बिदासम्बन्धी जानकारी गराउँदै विपद्को समयमा बालबालिकालाई आफ्ना अभिभावकसँग सुरक्षित रहने वातावरण बनाउन आवश्यक सहयोग तथा सहजीकरण गर्न आग्रह गरेका छन्।