हुप्सेकोटमा अटो दुर्घटना हुँदा पाँच जना घाइते

सोमबार कार्तिक २०८३, १०

नवलपुर, कात्तिक ९ । नवलपुरको हुप्सेकोट गाउँपालिका–२ स्थित सुटिचोकमा अटो दुर्घटना हुँदा पाँच जना घाइते भएका छन्।

सोमबार दिउँसो करिब १स्१५ बजे गैँडाखोलाबाट गिरुवारीतर्फ आउँदै गरेको लु १ ह ३४३२ नम्बरको अटो अनियन्त्रित भई सडकबाट करिब सात मिटर तल झाडीमा खस्दा दुर्घटना भएको हो।

दुर्घटनामा हुप्सेकोट गाउँपालिका–२ का ७० वर्षीया निर्मा सोती, ८० वर्षीय नरबहादुर सोमै, ७० वर्षीया नन्दिसरा आले, ७५ वर्षीया पदमी सोमै र करिब ३६ वर्षीया छुमिसरा सारु घाइते भएका छन्।

दुर्घटनामा निर्मा सोतीको घुँडा र ढाडमा, नरबहादुर सोमै र नन्दिसरा आलेको खुट्टामा, पदमी सोमैको ढाडमा तथा छुमिसरा सारुको दाहिने खुट्टाको औँलामा चोट लागेको छ।

प्रहरीका अनुसार दुर्घटनामा घाइते भएका सबैको अवस्था सामान्य रहेको छ। उनीहरूको हुप्सेकोटस्थित देउराली प्राथमिक अस्पतालमा उपचार भइरहेको छ।

घटनाबारे थप विवरण भने खुल्न बाँकी रहेको जिल्ला प्रहरी कार्यलय नवलपुरले जनाएको छ।