नवलपुर, असोज २० । मध्यविन्दु नगरपालिकाको प्रशासनिक नेतृत्वमा गोकर्ण पन्थी आउनुभएको छ। पन्थीले असोज १९ गतेदेखि नगरपालिकाको प्रमुख प्रशासकीय अधिकृतको जिम्मेवारी औपचारिक रूपमा सम्हाल्नुभएको हो।

नयाँ प्रमुख प्रशासकीय अधिकृतका रूपमा जिम्मेवारी सम्हाल्नुभएका पन्थीलाई नगरपालिकाले एक कार्यक्रमबीच स्वागत गरेको छ। स्वागत कार्यक्रममा नगरप्रमुख भिमलाल अधिकारी, उपप्रमुख पूर्णकला चौधरी, जनप्रतिनिधि तथा नगरपालिकाका कर्मचारीहरूको सहभागिता रहेको थियो।

पन्थीको आगमनसँगै केही दिनदेखि रिक्त रहेको प्रमुख प्रशासकीय अधिकृतको पदमा पदपूर्ति भएको छ। यसअघि प्रमुख प्रशासकीय अधिकृतका रूपमा कार्यरत विपिन क्षेत्रीको विदाइ भएपछि नगरपालिका प्रमुख प्रशासकीय अधिकृतविहीन बनेको थियो।

नगरप्रमुख अधिकारीको सचिवालयले पन्थीलाई स्वागत गर्दै उहाँको प्रशासनिक अनुभव, कार्यक्षमता र नेतृत्वदायी भूमिकाले नगरपालिकाको सेवा प्रवाहलाई थप व्यवस्थित बनाउन योगदान पुग्ने विश्वास व्यक्त गरेको छ।

नगरपालिकाका दैनिक प्रशासनिक काम, योजना कार्यान्वयन तथा नागरिकलाई उपलब्ध गराइने सेवा प्रवाहलाई प्रभावकारी बनाउन प्रमुख प्रशासकीय अधिकृतको भूमिका महत्वपूर्ण मानिन्छ। पन्थीले जिम्मेवारी सम्हालेसँगै नगरपालिका कार्यालयको प्रशासनिक कामले थप गति लिने अपेक्षा गरिएको छ।

नगरपालिकाले नयाँ प्रमुख प्रशासकीय अधिकृतको कार्यकालमा सेवा प्रवाहलाई थप सहज, छरितो र नागरिकमैत्री बनाउँदै स्थानीय तहका कामकारबाहीलाई प्रभावकारी रूपमा अघि बढाउने अपेक्षा गरेको छ।

ब्रेक फेल भएर दाउन्नेमा बस पल्टिँदा ४ को मृत्यु, ११ घाइते

नवलपुर,असोज १७ । ब्रेक फेल भएर बस पल्टिँदा दाउन्नेमा ४ जनाको मृत्यु भएको छ भने ११ जना घाइते भएका छन् । प्रहरीका अनुसार कोहलपुरबाट काठमाडौं हिँडेको बस

देवचुलीमा बजार अनुगमन तीव्र, म्याद गुज्रिएका वस्तु बिक्री नगर्न व्यवसायीलाई चेतावनी

नवलपुर, असोज १६ । देवचुली नगरपालिकाले उपभोक्ताको स्वास्थ्य र अधिकारलाई ध्यानमा राख्दै बजार अनुगमनलाई तीव्रता दिएको छ। नगरपालिकाको टोलीले देवचुलीका

विनयी त्रिवेणी आधारभूत अस्पताल र स्वास्थ्य बीमा बोर्डबीच सम्झौता

नवलपुर, असोज १६ । विनयी त्रिवेणी आधारभूत अस्पतालमा स्वास्थ्य बीमा कार्यक्रम सञ्चालनका लागि अस्पताल र स्वास्थ्य बीमा बोर्डबीच सम्झौता सम्पन्न भएको