नवलपुर,असोज १३  । विद्यार्थी राजनीतिबाट सार्वजनिक जीवनमा प्रवेश गरेकी अम्बिका पाण्डे नेपाली कांग्रेसको १५औँ महाधिवेशनमा युवा महिलातर्फ महाधिवेशन प्रतिनिधि पदकी उम्मेदवार बनेकी छन्। राजनीति, खेलकुद र व्यवसायिक क्षेत्रलाई सँगसँगै अघि बढाउँदै आएकी पाण्डे हाल जिल्ला खेलकुद विकास समिति, नवलपुरकी उपाध्यक्ष हुन्। युवासँग प्रत्यक्ष जोडिएको खेलकुद क्षेत्रमा नेतृत्वदायी भूमिका निर्वाह गर्दै आएकी उनले युवा तथा महिलाको नेतृत्व विकासलाई आफ्नो प्राथमिकतामा राख्दै आएकी छन्।
पाण्डेको राजनीतिक यात्रा नेपाल विद्यार्थी संघबाट सुरु भएको हो। उनी नेपाल विद्यार्थी संघ कावासोती नगरपालिकाकी संस्थापक उपाध्यक्ष हुन्। उनले नेपाल विद्यार्थी संघ नवलपुरको जिल्ला सदस्यका रूपमा समेत जिम्मेवारी निर्वाह गरिसकेकी छन्। विद्यार्थी राजनीतिबाट प्राप्त संगठनात्मक अनुभवलाई विस्तार गर्दै पाण्डे पछिल्लो समय खेलकुद तथा सामाजिक गतिविधिमा सक्रिय रहँदै आएकी छन्। जिल्ला खेलकुद विकास समितिको उपाध्यक्षका रूपमा उनले खेलाडी, युवा सहभागिता र जिल्लाका खेलकुद गतिविधिसँग सम्बन्धित क्षेत्रमा काम गर्दै आएकी छन्।

राजनीतिसँगै पाण्डे हस्पिटालिटी व्यवसायमा समेत आबद्ध छिन्। व्यवसायिक अनुभवले युवाको रोजगारी, सीप विकास तथा उद्यमशीलताका विषयलाई व्यवहारिक रूपमा बुझ्न सहयोग पुगेको उनको भनाइ छ।

युवा महिलाको आवाज निर्णय तहसम्म पुर्‍याउने लक्ष्य

महाधिवेशन प्रतिनिधिमा उम्मेदवारी दिँदै पाण्डेले युवा तथा महिलाको सहभागिता केवल संख्यामा सीमित नभई पार्टीको नीति निर्माण र निर्णय प्रक्रियामा समेत अर्थपूर्ण हुनुपर्ने बताएकी छन्।

विद्यार्थी राजनीति, खेलकुद र व्यवसायिक क्षेत्रबाट हासिल गरेको अनुभवलाई पार्टी संगठनसँग जोड्दै नयाँ पुस्तालाई कांग्रेससँग जोड्ने आफ्नो उद्देश्य रहेको उनले बताइन्।

“युवा र महिलालाई नेतृत्वमा ल्याउने कुरा सहभागितामा मात्र सीमित हुनुहुँदैन। निर्णय तहमा समेत उनीहरूको अर्थपूर्ण उपस्थिति आवश्यक छ। आफ्नो अनुभव र ऊर्जालाई पार्टी संगठनमार्फत उपयोग गर्न उम्मेदवारी दिएको हुँ,” पाण्डेले बताइन्।

युवा पुस्ताको सक्रियता बढिरहेको कांग्रेसको १५औँ महाधिवेशनमा पाण्डेको उम्मेदवारीले युवा महिलाको नेतृत्व र प्रतिनिधित्वको विषयलाई समेत अगाडि ल्याएको छ।

विद्यार्थी संगठनबाट सुरु भएको राजनीतिक यात्रा, खेलकुद क्षेत्रको नेतृत्व र व्यवसायिक अनुभवसहित अम्बिका पाण्डे अब कांग्रेस महाधिवेशन प्रतिनिधिको मैदानमा युवा महिलाको आवाज बोकेर उभिएकी छन्।

ब्रेक फेल भएर दाउन्नेमा बस पल्टिँदा ४ को मृत्यु, ११ घाइते

नवलपुर,असोज १७ । ब्रेक फेल भएर बस पल्टिँदा दाउन्नेमा ४ जनाको मृत्यु भएको छ भने ११ जना घाइते भएका छन् । प्रहरीका अनुसार कोहलपुरबाट काठमाडौं हिँडेको बस

देवचुलीमा बजार अनुगमन तीव्र, म्याद गुज्रिएका वस्तु बिक्री नगर्न व्यवसायीलाई चेतावनी

नवलपुर, असोज १६ । देवचुली नगरपालिकाले उपभोक्ताको स्वास्थ्य र अधिकारलाई ध्यानमा राख्दै बजार अनुगमनलाई तीव्रता दिएको छ। नगरपालिकाको टोलीले देवचुलीका

विनयी त्रिवेणी आधारभूत अस्पताल र स्वास्थ्य बीमा बोर्डबीच सम्झौता

नवलपुर, असोज १६ । विनयी त्रिवेणी आधारभूत अस्पतालमा स्वास्थ्य बीमा कार्यक्रम सञ्चालनका लागि अस्पताल र स्वास्थ्य बीमा बोर्डबीच सम्झौता सम्पन्न भएको